ناس كثيرة بشوفهم من المبتدئين ومتوسطى الخبرة بيعملوا الاحماء قبل التمرين
بالعقلة والمتوازى وتمرين الضغط
ويرجعوا دايما يشتكوا من اصابات الكتف والريست والمعصم
التسخين بالتمارين دى
غلط كبييييييييييييييييييييييييييييييييير جدا
ازاى تفاجأ عضلاتك بوزنك كله مرة واحدة
هتقولى طب مانا بشوف ابطال فى فيديوهاتهم بيسخنوا ساعات بالتمارين دى
الاجابة انهم مابيسخنوش بالتمارين دى هو علشان وقت الفيديو مابيجيبش الاحماء قبل التمرين وحتى لو سخنوا بالطريقة دى فهم كدة كدة بيتمرنوا باوزان اكبر من اوزانهم فعادى انه يسخن بوزنه
طيب اعمل الاحماء ازاى
قبل التمرين
اول 10 دقائق هتجرى بالسرغة العادية او مشى او هتنط الحبل او العجلة
بعد كدة 10 دقائق اطالات
اختار من 5 الى 10 اطالات اعملهم فى ال10 دقائق دول
تمارين الاطالة لكل العضلات من هنا
بعد كدة سخن بوزن قليل اوى بالنسبة لك
لو هتتمرن ذراع مثلا
هتسخن دمبلز تبادل بكيلو مثلا وتراى بالكابل بوزن قليل
بعد كدة تبدا تمرينك بحمل الاوزان تدريجياً لحد ما توصل لاكبر وزن ممكن تحمله
بعد التمرين
هتقوم بالاطالات تانى 10 دقائق برده
اختار من 5 الى 10 اطالات اعملهم فى ال10 دقائق دول
تمارين الاطالة لكل العضلات من هنا
بعد كدة تتمرن بوزن قليل جدا تقوم باكثر من تمرين بحيث تاخد كل زوايا العضلة اللى اتمرنتها من شوية
لو اتمرنت كتف مثلا
بوزن كيلو مجموعتين فى 10 عدات رفرفة امامية ومجموعتين رفرفة جانبية ومجموعتين رفرفة خلفية بدون راحة طبعا
وبتعمل كدة علشان تستفيد من الاطالات اللى انت عملتها بعد التمرين
بعدها هتلاقى عضلاتك رجعت لشدها الطبيعى
Comments
Post a Comment