كيف تنمو وتكبر العضلات بسرعة - كمال الاجسام

العضلات بتنمو وتكبر من خلال 3 محاور

التمرين

في التمرين بيكون من خلال اربع اساسيات

1 ) الضغط الواقع علي العضلات خلال التمرين واللى يسبب ما يعرف بإسم Cell Swelling Response اللي بيحفز استجابة مشغلات نمو العضلات

2 ) من خلال الاوزان بتحدث تمزقات مايكروية في العضلات اللي بيتم علاجها خلال فترة الاستشفاء مما يزيد حجم العضلة

3 ) زيادة حمض اللاكتيك ف العضلات

4 ) الضغط الميكانيكي اللي بيتم خلال رفع الاوزان الثقيلة

التغذية
وفى التغذية الموضوع معقد شوية 

سر نمو العضلات بيعتمد علي التوازن بين تخليق البروتينات و تفككها في العضلات ، يعني لو معدل تخليق البروتين العضلي اعلي من معدل تفككه ؛ المتدرب هيلاحظ تغيرات ايجابية في الكتلة العضلية نتيجة لدور البروتين في معالجة التمزقات المايكروية اللي بتنتج عن الضغط الواقع عليها اثناء التدريبات

 الراحة

1)خاصة خلال النوم وتحديدا في المرحلة الثالثة من مراحل النوم الاربعة

وفي المرحلة دي بتتبطا الموجات الدماغية وبينخفض تردد معظم وظائف الجسم وبتبطأ عملية التنفس و بينخفض ضغط الدم ، 

وفيها بيتم اصلاح الانسجة التالفة من خلال عملية يطلق عليها الاستشفاء العضلي وفيها بيتدفق الدم الي العضلات ويتم اصلاح الانسجة ؛

وبرضوا قي المرحلة الثالثة بيتم افراز الهرمونات واهمها هرمون النمو بعدين بتبدأ عضلات الجسم تتشل خلال المرحلة الرابعة اللي هي مرحلة الاحلام و طبعا دي حكمة إلهية لكي لا يتفاعل الشخص مع احلامه ويؤذى نفسه 

2) حاجة اتكلمنا عليها قبل كدة وهى الديلود وازاى ان اللاعب لازم يريح جهازه العصبى ويقلل 

الحجم التدريبى كل ما اوزانه تبدا تقع وتقل علشان نتفادى الوصول للاجهاد العضلى والعصبى