بشوف بعض الناس بتلبس حزام الظهر طوال فترة التمرين ومش بيفكوه الا لما يخلص التمرين وده غللللللللللللللللط كبير جدا ليه ؟
مثال بسيط كلنا بنشوفه فى ناشيونال جيوجرافيك
لما بيلاقوا حيوان برى مصاب ويحبسوه علشان يعالجوه ولما بيشُفى وهم بيرجعوه تانى للبرية واول ما يفتحوا القفص بيجرى بسرعة بدون تركيز ممكن يخبط فى شجرة يجرح نفسه تانى
نرجع لجذعنا اللى الحزام المفروض قابض عليه فترة كبيرة اول ما نفك الحزام بعد ساعة او اكثر من التمرين الجذع بيبقى عاوز يرجع لوضعه الحقيقى حر من غير الحزام وده بيحصل بسرعة انبساط البطن لو هنتنفس ببطنا مع الزفير يعنى السرعة دى مع استمرارنا بمفجاة الجذع واللى منه القطنية زى ما قولنا قبل كدة هيضعفها اول باول لحد ما احتمال كبير يحصل انزلاق غضروفى للفقرات التحتية للعمود الفقرى فى منطقة الجذع
ده غير انه بيزيد من ضغط الدم فى الجزء العلوى علشان انت بتكون رابط الحزام اوى على القطنية وده غلط كبير على مرضى القلب بالذات وممكن يسبب سكتة قلبية
ده غير انك بعد فترة مش هتقدر تتحكم فى انقباض عضلات البطن وانت بترفع الاوزان الكبيرة وبالتالى ممكن يحصل فتق فى البطن
وفى دراسة بتقول ان حزام البطن مش بيساعدك انك ترفع اوزان ولا حاجة مجرد بيديك الامان انك ترفع اوزان كبيرة وكل مهمته انه يثبت العمود الفقرى وانت بترفع الوزن وده كارثة انك ممكن ترفع وزن مش وزنك بحجة ان الحزام هيساعدنى وتحصل لك اصابة
طيب اعمل ايه دلوقتى
مش هقولك ما تلبسه بس البسه بشرط انك تفكه بعد كل مجموعة بتتمرنها يعنى تلبسه تتمرن المجموعة تخلعه تانى وهكذا وانت بتخلعه تتطلع الزفير وتمدد بطنك بسرعة قليلة
الافضل انك تقوى عضلات الجذع البطن والقطنية والمؤخرة ومش هتبقى محتاج له خااااااااااااااااااااااالص
جدول كامل لتقوية عضلات الجذع
Comments
Post a Comment