الفرق بين فورمة لاعب كمال الاجسام وفورمة الساحل (التمرين والتغذية)

فورمة الساحل

المفروض هتركز على عضلات الصدر والظهر العلوى والكتف والذراع والبطن

طبعا هتتمرن رجل لكن مش لازم توصل انك تعمل الرجل اللى بيقولوا عليها جذع الشجرة رجل كبيرة وضخمة

هتتمرن بطن 3 مرات فى الاسبوع

هتتمرن سمانة مرتين فى الاسبوع -من الاخر هتشوف الناس بتوع الفيزيك وتتمرن زيهم

مش لازم تتمرن بالاوزان الكبيرة اوى اللى بنشوف لاعبين كمال الاجسام بيتمرنوا بها اوزان مناسبة لقوتك وجسمك

فالوزن والمقاومة والتكرارت هنا هتكون متوسطة

التكرارات عضلات الجزء العلوى من 12 الى 15 تكرار

التكرارات عضلات الجزء السفلى من 12 الى 20 تكرار

الوجبات من 3 الى 4 وجبات + مشروب البروتين مرة او مرتين

وجبة كل 3 الى 4 ساعات -طبعا وجبة متكاملة بروتين كارب دهون

الماكروز

40%  بروتين

30%  كارب

30%  دهون غير مشبعة

فى التنشيف هتتمرن يوميا كارديو علشان توصل لتنشيف اكثر بكثير من لاعب كمال الاجسام

فورمة لاعب كمال الاجسام

المفروض هتركز على كل العضلات بنفس التوازن والتدريب هيكون بقوة اكبر لحد ما توصل لاقصى كتلة عضلية

هتركز اكثر على العضلات العنيدة فى جسمك ودى بتختلف من شخص لاخر

التكرارات عضلات الجزء العلوى من 6 الى 10 تكرار

التكرارات عضلات الجزء السفلى من 8 الى 12 تكرار

هتركز فى التدريب على تمارين العزل مثلا فى الكتف الكتف بالدمبل التمارين اللى هتطلع كتلة عضلية اكبر

الوجبات لا تقل عن 4 وجبات وبتوصل ل6 وجبات+ مشروب البروتين مرتين فى اليوم

وجبة كل ساعتين الى 3 ساعات

الماكروز

45% بروتين

45%  كارب

10% دهون غير مشبعة

لو عندك صعوبة فى الزيادة العضلية

الماكروز

35%  بروتين

55%  كارب

10%  دهون غير مشبعة

فى التنشيف هتتمرن كارديو 3 الى 4 مرات اسبوعيا