كل الناس عارفين ان فى بعض العضلات تمرينها كدة عدد التكرارات بتزيد عن 15 تكرار
زى تمرين عضلات البطن والسمانة والساعد
طيب اصل الموضوع فى ايه
----------------------------------------------------------------------------------------------------
الالياف العضلية لها انواع
الالياف البيضاء او سريعة الانقباض
ودى الالياف اللى بتتاثر بسرعة بالتمرين
يعنى بتتاثر بالتكرارات من 8 الى 15 تكرار
كمان هى الالياف المسئولة عن الضخامة العضلية
الالياف الحمراء او بطيئة الانقباض
ودى الالياف اللى بتتاثر ببطء بالتمرين
يعنى بتتاثر بالتكرارت الكثيرة من 15 وانت طالع لحد 25 تكرار
كمان هى الالياف المسئولة عن قوة التحمل
فى نوع من الالياف كمان وهو مزيج من الاثنين اللى فاتوا
----------------------------------------------------------------------------------------------------
طيب حسب تدريبك بيبدا ظهور نسبة الياف من الانواع دى على حساب الانواع الاخرى
على سبيل المثال
الناس اللى بتتمرن لكمال الاجسام ورياضات القوة ورفع الاثقال بتبدا الالياف العضلية البيضاء تظهر عندهم اكتر
اما الناس مثلا اللى بيتمرنوا للجرى مسافات كبيرة فالالياف العضلية الحمراء بتظهر اكتر عندهم
---------------------------------------------------------------------------------------------------
كل عضلة موجود فيها النوعين وبتختلف النسبة حسب طبيعة الجسم
بس اللى يهمنى هنا انى لو عاوز الضخامة يبقى اهتم اكتر بالتكرارت من 8 الى 15 تكرار
----------------------------------------------------------------------------------------------------
كمان يهمنى ان عضلات زى الصدر والظهر والكتف والباى والتراى اغلبهم الياف بيضاء بتتاثر بالتكرارت من 8 الى 15 تكرار
وعضلات زى البطن والساعد والارجل والسمانة اغلبهم الياف حمراء بتتاثر بالتكرارت الكثيرة
----------------------------------------------------------------------------------------------------
فانتوا هتلاقوا ان اغلب العضلات عند الاطراف وعضلات الكور اللى مسئولة عن الاتزان عضلات تحتوى على الالياف الحمراء علشان دى الاجزاء اللى بتربط الجسم وكمان الاطراف اللى لازم تبقى قوية جدا ولها قوة تحمل كبيرة
----------------------------------------------------------------------------------------------------
بس انت فى الاخر بتركز على الضخامة اكثر فهتلاقى ان اغلب التمارين بتستهدف فقط التكرار من 8 الى 15 علشان تاثر اكثر على الالياف البيضاء
Comments
Post a Comment