ما هو عدد المجموعات والتكرارات فى تمارين الجيم وما هو معنى الدورات

بنلاقى ناس كتير بتسال يعنى ايه عدد المجموعات او الجولات ويعنى ايه دورات المجموعة او الجولة = عدد من التكرارات يعنى لو قولنا 3X12 يعنى 3 مجموعات كل مجموعة 12 تكرار بين كل مجموعة والتانية دقيقة راحة

ولو قولنا

3X(10-12)

يعنى 3 مجموعات كل مجموعة أى عدد من 10 الى 12 تكرار وبين كل مجموعة والتانية دقيقة راحة طيب الدورات الدورة الواحدة عبارة عن عدد من التمارين بتتلعب ورا بعض بدون راحة ولما تخلص الدورة تاخد راحة 3 دقائق فمثلا لو عندنا 4 تمارين مطلوب تتمرن كل واحد فيهم نصف دقيقة هتتمرن اول تمرين نصف دقيقة وتدخل فى اللى بعده علطول من غير راحة بعد كدة التالت من غير راحة والرابع انت كدة لعبت ال4 تمارين بدون راحة تقوم تاخد راحة 3 دقائق وترجع تلعب الدورة اللى بعدها وهكذا نظام الدورات هو احد اساليب الكارديو اسمه HIIT (High-intensity interval training) هو عبارة عن اى مجموعة تمارين كارديو بتتلعب ورا بعضها بدون راحة بعد كدة تاخد راحة كبيرة شوية بتوصل ل3 دقائق وترجع تتمرن الدورة اللى بعدها لحد ماتخلص عدد الدورات المطلوب وهو نظام يعتبر من اقوى 10 انظمة تمارين لحرق الدهون

هتلاقوا هنا تمارين كاملة للتضخيم العضلى

  

 هتلاقوا هنا تمارين كاملة لحرق الدهون